Ռուսական լուսնային ծրագիրը նախատեսում է 2019-2024 թվականներին Լուսին ուղարկել հինգ ավտոմատ կայան, հայտնում է RNS-ը: Տվյալ ծրագրի արժեքը կազմում է մոտ 39 միլիարդ ռուբլի:
«Լուսնային ծրագրով առաջին թողարկումը պլանավորվում է 2019 թվականին: Լուսին կուղևորվի «Լունա-Գլոբ» կայանը: Այն կհետազոտի Լուսնի մակերևույթը հարավային բևեռի շրջանում»,- հայտնել է աղբյուրը:
2020 թվականին պլանավորվում է Լուսնի ուղեծիր ուղարկել «Լունա-Ռեսուրս-1» ապարատը: Այն պետք է ոչ միայն հեռակա ուսումնասիրի Լուսինը, այլ նաև կապ հաստատի հաջորդ լուսնային առաքելությունների միջև:
Սպասվում է նաև, որ 2021 թվականին Լուսնի վրա կիջնեն հիմնական և պահեստային հետազոտական զոնդեր: Դրանք կլուծեն Լուսնի վրա մշտապես գործող բազայի ստեղծման տեխնոլոգիայի մշակման բարդ խնդիրները:
«Լունա Գրունտ» կայանը պլանավորվում է Լուսին ուղարկել 2024 թվականին: Նրա հիմնական խնդիրը կլինի Երկիր հասցնել Լուսնի հողի նմուշներ, որտեղ հնարավոր է լինեն սառույցի բյուրեղներ:
