ԱՄՆ պետքարտուղար Ջոն Քերին հայտարարել է, որ Ռուսաստանի վրայից պատժամիջոցների հանումն իրագործելի է։ Այս մասին փոխանցում է Bloomberg գործակալությունը։
«Այս շաբաթվա սկզբին այստեղ՝ Դավոսում, փոխնախագահ Բայդենը և ես հանդիպել ենք Ուկրաինայի նախագահ Պորոշենկոյի հետ՝ օգնելու երաշխավորել Մինսկի համաձայնագրերի լիարժեք կատարում։ Եվ ես վստահ եմ, որ շնորհիվ երկու կողմերի ջանքերի ու խնդրի լուծման օրինական փորձերի՝ առաջիկա ամիսներին հնարավոր է Մինսկի համաձայնագրի կատարումն ու այն պահին մոտենալը, երբ Ռուսաստանի դեմ սահմանված պատժամիջոցները կհանվեն»,- ասել է Քերին՝ ելույթ ունենալով Դավոսի Համաշխարհային տնտեսական ֆորումի շրջանակում նիստի ժամանակ։
Դեկտեմբերի 22-ին ԱՄՆ-ն ընդլայնել է ՌԴ կազմակերպությունների ու ֆիզիկական անձանց ցուցակը, որոնց դեմ պատժամիջոցներ են սահմանված՝ կապված ուկրաինական հակամարտության հետ։ Մասնավորապես, պատժամիոջցների տակ էին հայտնվել «ՎՏԲ 24»-ը, ինչպես նաև «ՎՏԲ»-ի ու «Խնայբանկ»-ի մի ողջ շարք դուստր ընկերություններ։
