Լիտվան հրաժարվել է վրացի պատգամավոր Գիվի Թարգամաձեին արտահանձնել Ռուսաստան, որը նրան մեղադրում է ՌԴ տարածքում զանգվածային անկարգություններ կազմակերպելու մեջ: Այս մասին, ինչպես հաղորդում է DELFI-ն, հայտարարվել է մայիսի 7-ին Լիտվայի խորհրդարանի շենքում կայացած մամլո ասուլիսի ժամանակ: Արտահանձնումը մերժելու որոշումն ընդունել է երկրի գլխավոր դատախազությունը: Այն հաստատվել է Վիլնյուսի շրջանային դատարանի կողմից:
Ինչպես պնդում է Գիվի Թարգամաձեն, ինտերպոլն ամենից հետախուզվող հանցագործների ցուցակից հանել է նրա անունը, սակայն դեռևս հայտնի չէ՝ արդյո՞ք այն առհասարակ ընդգրկված էր այդ ցուցակում:
Հիշեցնենք, որ 2013 թ. փետրվարին ՌԴ քննչական հանձնաժողովում վստահեցրել են, որ եթե վրացի պատգամավորը հայտնվի քրեական ոստիկանության միջազգային կազմակերպության 189 անդամ երկրներից յուրաքանչյուրի տարածքում, նրան կձերբակալեն: Լիտվան ևս այդ կազմակերպության անդամ է: