Ղազախստանում առաջարկել են պաշտոնապես սահմանափակել երկրի ղեկավարների կյանքի տևողությունը: Նման առաջարկով հանդես են եկել Ղազախստանի մուսուլմանների միությունն ու Կենտրոնական Ասիայի մարդու իրավունքների հարցով մուսուլմանների կոմիտեն:
Ըստ առաջարկի հեղինակների՝ երկիրը պետք է ղեկավարի 80 տարեկանից ոչ մեծ ղեկավարը: Համաձայն այդ պլանի՝ սահմանափակումները հարկ է ներառել երկրի Սահմանադրության մեջ՝ այդտեղ նշելով նաև, որ օրինախախտներին սպառնում է մահապատիժ:
«Այն դեպքում, եթե երկրի ղեկավարը 80 տարեկանից հետո էլ ձգտի ղեկավարել երկիրը, պետք է մահապատժի ենթարկվի»,- ասվում է փոփոխությունների նախաձեռնողների մամլո հաղորդագրության մեջ:
Ներկայում Ղազախստանի Սահմանադրությունը նախատեսում է ղեկավարելու միայն տարիքային նվազագույն շեմը՝ 40 տարեկան, օրենքով սահմանված չէ տարիքային վերին շեմը՝ հաղորդում է Lenta.ru-ն:
Ղազախստանի ղեկավարը ներկայում 72-ամյա Նուրսուլթան Նազարբաևն է: Նա հանրապետությունը ղեկավարում է ավելի քան 20 տարի:
