Adobe ընկերությունը Creative Suite փաթեթի մեջ մտնող հայտնի ծրագրերի (Photoshop, Illustrator և Premiere Pro) նոր տարբերակները հասանելի կդարձնի միայն բաժանորդագրությամբ: Այս մասին հայտնում է RIA Novosti-ն՝ հղում անելով ընկերության հաղորդագրությանը:
Բաժանորդագրային սխեմայի անցումն ընկերությունն իրականացրել է 2011-ին ներկայացված Creative Cloud նախաձեռնության շրջանակում: Այդ նախաձեռնությունը ներառում է հասանելիություն դեպի ստեղծագործական աշխատանքի համար ծրագրերի վերջին տարբերակներ, տվյալների «ամպային» պահեստարան, տարբեր սարքերի միջև ֆայլերի համաժամանակեցման հնարավորություն, ինչպես նաև մի շարք այլ հարակից ծառայություններ:
Creative Suite-ի նոր տարբերակների թողարկման դադարեցման մասին հայտարարության հետ մեկտեղ Adobe-ը ներկայացրել է Photoshop, InDesign, Illustrator, Dreamweaver և Premiere Pro ծրագրերի թարմացված տարբերակը, որոնք հասանելի կլինեն միայն Creative Cloud-ի բաժանորդներին: