Բանգլադեշի փողոցային անկարգություններին զոհ է դարձել 37 մարդ՝ ներառյալ ոստիկաններ: Ինչպես հաղորդում է Agence France-Presse-ը, հարյուրավոր մարդիկ վնասվածքներ են ստացել, տասնյակ անձինք, ներառյալ ընդդիմության ղեկավարները, ձերբակալվել են:
Գործակալությունը նկատում է, որ դրանք ամենաարյունալի անկարգություններն են, որ վերջին մի քանի տասնամյակում տեղի են ունեցել Բանգլադեշում:
Բախումները ծագել են երկրի մայրաքաղաք Դաքքայում, որտեղ ոստիկանությունը ցրել էր արմատական իսլամիստների ճամբարը, որը նրանք խփել էին քաղաքի գործարար շրջանում: Ակցիային մասնակցում էր մոտ 70 հազար մարդ:
Ականատեսների խոսքով՝ ցուցարարները այրել են ավտոմեքենաներ ու խանութներ, ոստիկանների ուղղությամբ նետել են քարեր ու աղյուսներ, նրանց վրա հարձակվել են փայտերով: Ի պատասխան՝ իրավապահները կիրառել են արցունքաբեր գազ, ջրային ցայտեր և ռետինե փամփուշտներ:
Հաղորդվում է նաև, որ Բանգլադեշի իշխանությունները փակել են մի քանի իսլամիստական հեռուստաալիքներ:
Արմատական իսլամի կողմնակիցները պահանջում են օրենք ընդունել աստվածանարգության մասին:
