Կիթառը, որով նվագել են լեգենդար բրիտանական The Beatles խմբի երկու հանգուցյալ մասնակիցներ Ջոն Լենոնն ու Ջորջ Հարիսոնը, Նյու Յորքի Julien’s Auctions աճուրդի տան կողմից հանվել է վաճառքի: Երաժշտական գործիքի մեկնարկային գինը կազմում է 200-300 հազար դոլար: Այս մասին հայտնում է ITAR-TASS-ը:
Խմբի՝ 1966 թվականի արտադրության VOX կիթառն ի վերջո Լենոնը նվիրել է «լիվերպուլյան քառյակի» ընկերոջը՝ Ալեքս Մարդասին:
Հինգշաբթիից շաբաթ հազվագյուտ լոտը հնարավոր կլինի ցուցադրված տեսնել Լոնդոնի հյուրանոցներից մեկում, որից հետո այն կուղարկվի Նյու Յորք: Աճուրդը կկայանա մայիսի 18-ին:
