Sputnik լրատվական գործակալության փոխանցմամբ՝ Իրանի նախագահ Հասան Ռուհանին հունվարի 28-ին Փարիզում հանդիպելու է Ֆրանսիայի նախագահ Ֆրանսուա Օլանդի հետ։ Այդ մասին գործակալությանը հայտնել է Ֆրանսիայում նրա դիվանագիտական աղբյուրը։
Նա հավելել է, որ Իրանի ու Ֆրանսիայի նախագահների հանդիպմանը մասնակցելու է նաև Ֆրանսիայի արտգործնախարար Լորան Ֆաբիուսը։ Ավելի վաղ հաղորդվել էր, որ Իրաի նախագահը հունվարի 25-26-ը մեկնելու է Իտալիա և Վատիկան։
Դեպի Եվրոպա այդ այցն Իրանի ղեկավարի համար կդառնա առաջինը՝ Իրանի դեմ պատժամիջոցների վերացումից հետո։ Իրանի նախագահը Եվրոպա պետք է մեկներ նախորդ տարվա նոյեմբերի կեսերին, սակայն Փարիզի ահաբեկչությունների պատճառով այցը հետաձգվեց։
