ԱՄՆ նախկին պետքարտուղար, նախագահի թեկնածու Հիլարի Քլինթոնը չի բացառում «Ռուսաստանի հետ հարաբերություններում նոր վերբեռնումը»՝ կախված այն բանից, թե նրանից ինչ կստանա ԱՄՆ-ը: Այս մասին հայտնում է RIA Novosti-ն:
«Դա կախված է նրանից՝ ինչ կստանամ դրանից ես»,- հայտարարել է Քլինթոնը ԱՄՆ նախագահի Դեմոկրատական կուսակցությունից թեկնածուների դեբատների ժամանակ:
Այդպես է նա պատասխանել հարցին՝ արդյոք ինքը պատրա՞ստ է սեղմել «վերբեռնման» կոճակը հարաբերություններում, ինչպես 2009թ.:
Քլինթոնը հիշեցրել է, որ այն ժամանակ ԱՄՆ-ը կարողացել է ՌԴ-ից թույլտվության հասնել՝ Աֆղանստան ռազմական բեռների տեղափոխման համար, ինչպես նաև կնքել են միջուկային զենքի սահմանափակման մասին համաձայնագիր, պայմանավորվել են Իրանի դեմ պատժամիջոցների մասին:
