Բրազիլիայի ափերին՝ Ատլանտյան օվկիանոսի հատակում, ճապոնացի հետազոտողները հայտնաբերել են սուզված մայրցամաքի հետքեր: Այս մասին հայտարարել է ծովային գիտությունների և տեխնոլոգիաների ազգային գործակալությունը:
Բացահայտումը ապրիլի վերջին կատարել է «Սինկայ- 6500» սարքավորումը, որը 910 մ խորության վրա՝ Ռիո դե Ժանեյրոյից 1000 կմ հարավ-արևելք, հայտնաբերել է միայն ցամաքում ձևավորվող նյութի զանգված:
Գիտնականները ենթադրում են, որ հայտնաբերված գրանիտե զանգվածը պատկանել է մի մայրցամաքի, որը գոյություն է ունեցել մոտ 100 մլն տարի առաջ՝ այն բանից հետո, երբ Աֆրիկան և Հարավային Ամերիկան առանձնացել են:
Այս բացահայտումը կրկին հիշեցրել է հույն փիլիսոփայի նշած Ատլանտիդայի մասին առասպելը:
