Ցյուրիխում ավարտվեց «Ոսկե գնդակ-2015» մրցանակաբաշխությունը: Տարվա լավագույն ֆուտբոլիստ ճանաչվեց կատալոնական «Բարսելոնա»-ի և Արգենտինայի ազգային հավաքականի հարձակվող Լիոնել Մեսսին: Արգենտինացին իր կարիերայի ընթացքում 5-րդ անգամ է նվաճում «Ոսկե Գնդակ»-ը:
«Սա շատ յուրահատուկ պահ է ինձ համար: Այն անհավանական է, քանի որ այս մրցանակը թվով 5-րդն էր ինձ համար: Այն ավելին է, ինչի մասին ես երազում էի մանուկ հասակում:
Ցանկանում եմ շնորհակալություն հայտնել նրանց, ովքեր քվեարկել են իմ օգտին: Շնորհակալություն իմ թիմակիցներին, քանի որ ես չէի կարող նվաճել այս տիտղոսն առանց իրենց օգնության»,- հայտարարել է արգենտինացին:
Հիշեցնենք, որ լավագույն եռյակում էին Քրիշտիանու Ռոնալդուն և Նեյմարը:
