Հայաստանի ազգային հավաքականի կիսապաշտպան Արազ Օզբիլիսը պատասխանել է Կրասնոդարի «Կուբան»-ի պաշտոնական կայքի թղթակցի հարցերին: Հիշեցնենք, որ Օզբիլիսը վնասվածքի պատճառով բաց թողեց մի քանի խաղ, բայց «Ռոստով»-ի դեմ խաղում (0:2) դուրս եկավ խաղադաշտ:
«Հնարավոր է՝ ֆիզկապես լավագույն վիճակում չեմ, սակայն թիմակիցներիս հետ փոխհամագործակցության խնդիրներ չառաջացան: Հուսով եմ՝ առաջնության ավարտական հատվածը լավ կանցկացնեմ:
6 ոչ-ոքի անընդմեջ. դա չափազանց շատ էր: Մինչև ընդմիջումը մենք չէինք օգտագործում ուժեղ կողմերը: Մարզիչը պահանջեց վստահ գործել թե՛ պաշտպանությունում, թե՛ հարձակման գծում:
Բացի այդ, երկրորդ խաղակեսում մրցակիցը ևս սկսեց գրոհել, և մենք ազատ տարածություններ ստացանք: Այո, երկու գոլ խփեցինք, բայց աչքի ընկնելու ևս 4 հնարավորություն ունեինք»:
