Արաբկիր համայնքի 4-րդ ընտրատարածքի 4/2 տեղամասում առավոտից 71, 40 երթուղային տաքսիներով և անհայտ համարի գազելներով Քանաքեռի բնակիչներին բերում են ընտրության:
Aravot.am-ի հետ զրույցում Քանաքեռի Թբիլիսյան խճուղուց ընտրության բերված բնակիչները պատմել են, որ ամեն ընտրության էլ ՀՀԿ-ն ապահովում է նրանց անվճար տեղափոխությունը:
Տեղամասի առջև մեծ կուտակումներ կան, իսկ մարդկանց հոսքը չի դադարում: Հանձնաժողովի ՀՀԿ-ական նախագահ Սամվել Գզրալյանը մերժել է զրուցել լրատվամիջոցի հետ, գոռացել ու ասել է՝ շատ զբաղված է:
Նա նաև հրաժարվել է իր անուն ու ազգանունն ասել, նա հորդորում է ճշտել հանձնաժողովի ԲՀԿ-ական Նաիրա Թադևոսյանից, որն հանձնաժողովի քարտուղարն է, վերջինս էլ պնդում էր՝ լիազորություն չունի հայտնելու:
«Բարև Երևան» դաշինքի վստահված անձ Լալա Արզումանյանն էլ կայքի հետ զրույցում ասել է, որ միակ ահազանգը տեղամասում մարդկանց արտահոսքն է և հանձնաժողովի նախագահի կողմից լրագրողների աշխատանքի խոչընդոտումը:
