Փորձագետները, խորհրդատվական ընկերությունները և վարկանիշային գործակալությունները սպասում են նավթային շուկայի սեղմում, ինչը սև ոսկու գները մեկ բարելի դիմաց կհասցնի նախկին 100-110 դոլարի: Այս մասին գրում է Foreign Policy ամսագրի թղթակից Քիթ Ջոնսոնը:
Ըստ հոդվածագրի՝ նավթի շուկայի նույն գերհագեցածությունը, ինչի պատճառով գները ցածր են, կարող է աճի նախադրյալ լինել: Հարթաչափվում է ամերիկյան թերթաքարային բումի ազդեցությունը, որը շուկա է բերել օրական լրացուցիչ ավելի քան 4 մլն բարել. 2016 թ. ԱՄՆ դաշնային վիճակագրական համակարգի բաղադրիչ անկախ գործակալությունը կանխատեսում է ընդհանուր վերելքի ամբողջ ընթացքում երկրում նավթի արտադրության առաջին անկումը: Բացի դրանից, 30 տարում ամենացածր մակարդակի վրա է գլոբալ շուկայում ներդրումների ծավալը, ինչը հղի է աշխատող հորատման սարքավորումների քանակի կրճատմամբ և գործող նախագծերի սառեցմամբ:
Միաժամանակ, գլոբալ պահանջարկը շարունակում է արագ աճել, նկատում է Ջոնսոնը:
«Փորձագետները նշում են, որ մեկ օրում աշխարհում արդյունահանվում է մոտ 1․5 մլն բարելով ավել նավթ, քան սպառվում է: Այս տարի կանխատեսվում է պահանջարկի աճ մոտավորապես 1․2 մլն-ով, ինչը գործնականում կլանում է ավելցուկը»,- նշում է պարբերականի վերլուծաբանը: Wood MacKenzie խորհրդատվական ընկերությունը կանխատեսում է, որ մինչև 2016 թ. երկրորդ կեսը նավթի պահեստարանները կսկսեն արագորեն դատարկվել:
