Հայ-վրացական սահմանի Բավրա-Նինոծմինդա անցակետն արդեն բաց է, և առավոտից մեքենաներն անարգել հատում են սահմանը։ Այս մասին «Առաջին լրատվական»-ի հետ զրույցում ասաց անցակետի աշխատակիցներից մեկը, որը չցանկացավ, որ հրապարակենք իր անունը։
Վերջինիս խոսքով՝ որոշակի արգելք եղել է երեկ կեսօրից սկսած, երբ վրացի սահմանապահները թույլ չեն տվել Հայաստանից գնացող մեքենաների մուտքը Վրաստան: Իսկ պատճառը եղել է տեղացած առատ ձյունը և բուքը, սակայն ձնամաքրման աշխատանքներից հետո երթևեկությունը երկկողմանիորեն վերականգնվել է, և երեկվանից կուտակված մեքենաները աստիճանաբար հատում են սահմանը և շարունակում ճանապարհը։
Նշենք, որ ձնաբքի հետևանքով հունվարի 4-ից փակ է նաև ռուս-վրացական Լարսի անցակետը։
