Այովայի համալսարանի գիտնականները պնդում են, որ մարդու օրգանիզմը կարող է կալորիաներ այրել գիշերը: Գաղտնիքն աղիների առողջ միկրոֆլորան է, գրում է The Daily Mail-ը:
Միաժամանակ, միկրոֆլորայում նաև բացասական փոփոխություններ են հնարավոր, որոնք հանգեցնում են գիրության: Այս բացահայտումներն արվել են ռիսպերիդոնի ազդեցությունների ուսումնասիրման ժամանակ. դեղամիջոց, որը հանգեցնում է գիրանալու:
Հետազոտության հեղինակ Ջոն Քիրբին համոզված է. «Բակտերիաները պատասխանատու են նրա համար՝ արդյո՞ք օրգանիզմը կալորիաներ է այրում քնի ընթացքում: Օրինակ՝ կրծողները քաշ հավաքեցին ռիսպերիդոն ընդունելուց հետո բակտերիալ բաղադրությունում տեղաշարժերի պատճառով: Դեղամիջոցը կրծողների քաշը լրացուցիչ ավելացրել է 2,5 գրամով՝ մարմնի զանգվածի մոտ 10%-ի չափով: Եվ սա տեղի է ունեցել ընդամենը 2 ամսում: Մենք նաև իմացանք, որ դեղամիջոցը շատ է փոխել կրծողների աղիների միկրոֆլորան: Փոփոխված միկրոֆլորան հանգեցրել է նյութափոխանակության դանդաղելու, ինչը քաշի ավելացում է առաջացրել»:
Ավելի մանրամասն ուսումնասիրությունը փոփոխություններ չի արձանագրել ռիսպերիդոն ընդունող կրծողների նյութափոխանակության աէրոբային ցուցանիշներում: Փոխարենը՝ նկատվել է անաէրոբային նյութափոխանակության ցուցանիշների նվազում մոտավորապես 16%-ով: Սովորական մարդու համար դա կնշանակեր տարեկան 13 կգ ճարպի ավելացում կամ օրական մեկ չիզբուրգերի օգտագործում:
