Business Insider-ը ներկայացնում է հնարքներ, որոնցից օգտվում են խանութները, որպեսզի ստիպեն ավելի շատ ծախսել:
Ապրանքների սպառման վաճառքի մասին մեծ ցուցանակներ
Նույնիսկ, եթե խանութում զեղչով ապրանքներ կան՝ սպառման վաճառքի մասին ցուցանակները գրավիչ են:
Եվս մեկ թակարդ է ցուցանակների կարմիր գույնը, որոնց մարդիկ շատ ավելի արագ են արձագանքում:
Զեղչերի սահմանափակ ժամկետ
Գրավիչ է նաև զեղչերի սահմանափակ ժամկետը: Դա խթանում է գնման արագությունը:
Խանութները ձեզ զամբյուղներով են դիմավորում
Խանութի մուտքի մոտ կարող եք միանշանակ զամբյուղներ տեսնել, որ հաճախորդները մեծ գնումներ կատարեն:
Վառ գույներ խանութի մուտքի մոտ
Խանութը վառ գույներով է դիմավորում, ձեր տրամադրությունը բարձրանում է, հետևաբար, ավելի եք տրամադրվում գնումներ անելու, նաև խանութից լավ տպավորություն եք ստանում:
Մուտքից ոչ հեռու հացաբուլկեղեն է դրված
Գնումներ անելուն խթանում են նաև բույրերը: Թարմ հացի բույրը զգալով՝ գնումներն ավելանում են:
Կաթնամթերքները և առաջին անհրաժեշտության այլ մթերքները հետևի վաճառասեղաններին են դրվում
Դա ստիպում է կաթնամթերք գնելու համար անցնել ամբողջ սուպերմարկետով: Մինչ դուք գնում եք անհրաժեշտ ապրանքի հետևից, հնարավորությունը, որ էլի մի բան կգնեք, զգալիորեն մեծանում է:
Խանութում մշտական տեղափոխություններ
Չեք հասցնում ընտելանալ խանութում ապրանքների տեղերին, ու նորից տեղափոխություններ են արվում: Եվ մինչ գտնեք մակարոնը, որի համար խանութ եք գնացել, ստիպված եք լինում անցնել սուպերմարկետի կեսը: Այդ ընթացքում աչքի է ընկնում չնախատեսված գնում:
Թանկարժեք ապրանքները դրված են աչքերի մակարդակով
Խանութներն աշխատում են ձեզ առաջարկել այն, ինչ իրենց ձեռնտու է և ավելի թանկարժեք մթերքները դնում են աչքերի մակարդակով:
Ձեզ առաջարկում են ապրանքների փորձանմուշներ
Երբ ձեզ առաջարկում են պանիր կամ երշիկ փորձել, ձեզ ոչ միայն դրդում են գնելու այդ մթերքը, այլև ստիպում են ավելի երկար մնալ խանութում: Բացի դրանից՝ փորձելով, դուք ենթագիտակցորեն այն գնելու պարտավորություն կզգաք:
Մանրամասն մտածված գունային սխեմաներ
Խանութները գնորդներին գրավում են տաք գույներով, ինչպիսիք են՝ նարնջագույնը, կարմիրը, դեղինը:
Հանդարտ երաժշտություն
Հետազոտությունները ցույց են տալիս, որ դանդաղ երաժշտությունը ստիպում է անշտապ գնումներ անել և ավելի շատ ծախսել: Բարձր երաժշտությունը շտապեցնում է և չի ազդում գնումների վրա:
Սեփական նշանակալիության զգացողություն են ստեղծում
Մարդկանց կուտակման տեղերում ավելի քիչ ժամանակ է ծախսվում գնումների վրա: Մարդիկ բազմության մեջ իրենց անհարմարավետ են զգում և աշխատում են հնարավորինս շուտ գնել անհրաժեշտ ամեն ինչ ու արագ դուրս գալ:
Դրամարկղի մոտի անցումը տարբեր ապրանքներով է լցված
Երբ գնել եք անհրաժեշտ ամեն ինչ ու հերթ եք կանգնել դրամարկղի մոտ, ժամանակ ունեք և նայում եք այն ամենին, ինչ կա մոտակայքում:
Առաջարկում են իրենց հավելվածը ներբեռնել
Հեռախոսում խանութի հավելվածի միջոցով կարելի է հետևել ակցիաներին, ուսումնասիրել ապրանքները: Մյուս կողմից՝ դա վտանգավոր է. հաճախ կանեք չնախատեսված գնումներ:
Առաքման անվճար առաջարկ
Սա արվում է, որ դուք երկար չմտածեք և ժամանակ չունենաք ուրիշ խանութ գնալու, և անհրաժեշտ իրերն ավելի ձեռնտու գնով գտնելու:
Գնանշումը վերջանում է «99» թվով, չի կլորացվում
Սա ևս մարկետինգային ազդու քայլ է:
Մեծածախ գնելու առաջարկ
Հետազոտությունները ցույց են տալիս, որ մարդիկ ավելի շատ գնումներ են կատարում ձեռնտու գնով մի քանի ապրանք գնելու «ձեռնտու առաջարկների» դեպքում:
Փողը վերադարձնելու առաջարկ
«Եթե դուք ապրանքից գոհ չեք, մենք գումարը կվերադարձնենք»,- խոստանում են շատ խանութներ: Այդպիսով, գնորդները պակաս քննադատաբար են վերաբերվում ապրանքի ընտրությանը:
