Արդեն մի քանի շաբաթ անց, այսինքն՝ մյուս ամիս Իրանը Ռուսաստանից С-300 ПМУ-2 զենիթահրթիռային համալիրներ կստանա: Այս մասին հայտնում է TASS-ը՝ հղում անելով իր աղբյուրներին ռազմատեխնիկական համագործակցության համակարգում:
«С-300 ПМУ-2-ի առաջին խմբի մատակարարման գործընթացը ծրագրվում է սկսել հաջորդ տարվա հունվարին և ավարտել փետրվարին: Այդ համակարգերի երկրորդ խումբը Իրանը պետք է ստանա 2016թ. օգոստոս-սեպտեմբերին»,- ասել է նա:
Գործակալության զրուցակիցը նաև նշել է, որ մոտ 80 իրանցի մասնագետ զենիթահրթիռային համալիրների շահագործման պատրաստություն կանցնեն:
