Լոնդոնի ոստիկանությունը հայտնաբերել է գողացված հեծանիվների՝ մայրաքաղաքի պատմության մեջ խոշորագույն թաքստոցը: Ինչպես հայտնել է BBC ռադիոկայանը, Լոնդոնի հյուսիսարևելյան Քլեփթոն շրջանի տներից մեկում իրավապահները հայտնաբերել են 250 հեծանիվ:
«Իշխանությունները կարծում էին, թե խոսքը հեծանիվների կետի մասին է, որտեղ հավաքվել են Լոնդոնի արևելքից ու հյուսիսից գողացված հեծանիվները»,- հայտնում է BBC-ն՝ նշելով, որ կալանավորվել է նաև տանը գտնվող մեկ մարդ:
Համաձայն իշխանությունների տեղեկությունների՝ գողացված հեծանիվները քանդվել են, դրանց մասերը փոխարինվել են ուրիշներով, որ անհնար լինի պարզել դրանց ինքնությունը:
Այսօր ոստիկանությունը կոչով դիմել է գողացված հեծանիվների տերերին՝ գալ նշված հասցեով ու փորձել գտնել այն:
Լոնդոնում հեծանիվների գողությունը վերջին տարիներին ահռելի չափերի է հասել: Այսպես. անցած տարի միայն կենտրոնական Վեսթմինսթերյան շրջանում առևանգվել էր 1557 հեծանիվ: