Այսօր Երևանի ավագանու ընտրությունների հանրապետական թեկնածու Տարոն Մարգարյանի հանդիպումը Մալաթիա-Սեբաստիա համայնքի բնակիչների հետ ավարտվեց համերգով: Այն, ինչպես տեղեկացրեցին հանդիպման սկզբում, կազմակերպել էր Մալաթիա-Սեբաստիա համայնքի ղեկավարությունը: Հետաքրքրականն այն է, որ համերգին ելույթ ունեցան նույն համայնքից ընտրված պատգամավոր Սամվել Ալեքսանյանի ընտանիքին պատկանող «Փարվանա» ռեստորանային համալիրի երգիչ-երգչուհիները, այդ թվում՝ ռաբիս երգիչ Թաթուլ Ավոյանը:
Նա «Առաջին լրատվական»-ի հետ զրույցում ասաց, որ եկել է համերգի մասնակցելու, ժողովրդին ուրախացնելու, եթե կարող է: Իսկ Տարոն Մարգարյանին Թաթուլ Ավոյանը վերաբերվում է այնպես, ինչպես բոլորն են վերաբերվում:
«Գոհացնում է Երևան քաղաքի վիճակը, բոլորն էլ տեսնում են, ժողովուրդը տեսնում է, թե ամեն մարդ ինչ գործ է կատարում իր հայրենիքի համար: Ինձ թվում է՝ կամաց-կամաց լինում է»,- ասաց երգիչը՝ հավելելով, որ կմասնակցի Երևանի ավագանու ընտրություններին, եթե լինի քաղաքում:
Առաջարկում ենք մանրամասներին ծանոթանալ տեսանյութի միջոցով:
