Ամերիկացի միլիարդատեր Դոնալդ Թրամփի հայտնի Trump Towers երկնաքերների կայքը մի ժամ արգելափակվել է այն բանից հետո, երբ Anonymous խմբի ցանցահենները կոտրել են այն, հայտնում է Reuters-ը: Նշվում է, որ այդ ձևով նրանք «վրեժ են լուծել» ԱՄՆ նախագահի թեկնածուից, նրա հակամահմեդական արտահայտությունների համար:
Ավելին վաղ հայտնի է դարձել, որ խնդրագիրը, որով կոչ է արվել արգելել Դոնալդ Թրամփի մուտքը Մեծ Բրիտանիա, մահմեդականների մասին նրա արտահայտությունների պատճառով, հավաքել է ավելի քան 400 հազար ստորագրություն: Դա չորս անգամ ավելի է, քան հարկավոր է այն բանի համար, որպեսզի խնդրագիրը քննարկվի խորհրդարանում: Միաժամանակ, Մեծ Բրիտանիայի իշխանությունները, չնայած դատապարտում են Թրամփի ասածները, հայտարարում են, որ չեն պատրաստվում արգելել նրան երկիր մտնել:
