The Local-ի փոխանցմամբ՝ 2012 թվականին Իտալիայում օդի աղտոտվածության պատճառով վաղաժամ մահացել է 84.400 մարդ։ Դա ամենաբարձր ցուցանիշն է Եվրոպայում։ Այդ մասին նշված է Շրջակա միջավայրի պահպանման հարցերով եվրոպական գործակալության (ЕЕА) հրապարակած «Օդի որակը Եվրոպայում» զեկույցում։
ЕЕА-ի հաղորդմամբ՝ օդի աղտոտվածությունը նախկինի նման շարունակում է մնալ որպես Եվրոպայի բնակիչների ամենագլխավոր բնապահպանական սպառնալիք, որը 2012 թվականին 40 հետազոտված երկրներում հանգեցրել է վաղաժամ մահվան 524.000 դեպքի։ ԵՄ անդամ 28 երկրներում օդի աղտոտվածությունից մահացածների թիվը կազմել է 491.000 մարդ։
Զեկույցում նշված է, որ օդի աղտոտվածությունը կրճատում է կյանքի տևողությունը և հանգեցնում է առողջական լուրջ խնդիրների, ինչպիսիք են սրտանոթային հիվանդությունները, շնչառական գործառույթների խաթարումը և քաղցկեղը։
