Facebook-ի հիմնադիր Մարկ Ցուկերբերգը բացատրել է` ինչու նվիրաբերության նպատակներով տրամադրված իր միջոցների բաշխմամբ կզբաղվի բարեգործականի կարգավիճակ չունեցող կազմակերպությունը: Գրառումը նա տեղադրել է Facebook-ի իր էջում:
Ցուկերբերգի խոսքերով` իր նպատակն է ավելի մեծ հնարավորություններ ունենալ բարեգործական նպատակներով ներդրումներում:
Նա հաստատել է, որ իր ստեղծած Chan Zuckerberg Initiative միավորումը սահմանափակ պատասխանատվությամբ հանրություն է:
«Մենք ոչ մի հարկային արտոնություն չենք ստանում այն բանից, որ փոխանցում ենք մեզ պատկանող ակցիաները Chan Zuckerberg Initiative-ին: Իրականում եթե մենք դրանք փոխանցեինք ավանդական բարեգործական հիմնադրամին, ապա միանգամից նման արտոնություններ կստանայինք, սակայն ՍՊՀ-ի դեպքում դա այդպես չէ: Եվ ինչպես բոլորը` մենք հարկ կվճարենք ըստ կապիտալի աճի, երբ ՍՊՀ-ն կսկսի վաճառել մեր ակցիաները»,- հստակեցրել է նա:
