Հաջորդ տարվա Ռուսաստանի բյուջեում արդեն նախատեսված է գործողություն Սիրիայում, սակայն հավելյալ միջոցներ այն կարող է չպահանջել՝ գրում է «Իզվեստիա»-ն: Կառավարության բարձրաստիճան աղբյուրի խոսքով՝ զորավարժությունների մեկ օրը կրկնակի թանկ արժե Սիրիայում գործողության մեկ օրվանից:
«Սիրիայում գործողության մեկ օրը զգալիորեն ավելի քիչ արժե, քան պաշտպանության նախարարության զորավարժությունների մեկ օրը: Ռազմական գործողության բոլոր ծախսերը մտել են 2016-ի ամփոփիչ բյուջե և կմնան նախկին մակարդակին»,- հայտարարել է պաշտոնյան:
ՊՆ աղբյուրն, իր հերթին, ասել է, որ գերատեսչությունը կհրաժարվի որոշ զորավարժություններից՝ հօգուտ Սիրիայի:
