Հյուսիսային Կորեայի իշխանությունները Koryolink հեռախոսային ընկերությանը պարտադրել են 191 կոդին ավելացնել 2 թիվը: Այժմ բաժանորդների համարներում նշված կլինի «կորեական սուրբ հողի հավերժ նախագահ» ընկեր Կիմ Իր Սենի ծննդյան թիվը՝ 1912: Այս մասին հայտնում է Rosbalt-ը:
Koryolink-ն ունի շուրջ 2,5 միլիոն բաժանորդ: Կապի մյուս մատակարարի՝ Kangsung-ի հեռախոսահամարները կմնան անփոփոխ՝ 195:
Կիմ Իր Սենը գլխավորել է Հյուսիսային Կորեան 1948 թվականից մինչև իր մահը՝ 1994 թվականը: Պետության առաջին ղեկավարը նաև Հյուսիսային Կորեայի պետական գաղափարախոսության հեղինակն է:
