Չինաստանի նախագահ Սի Ցզինպինը ներկայացրել է ծավալուն «կապիտալ» վերանորոգումը` տեխնիկական զինվածությունը և աշխարհի ամենախոշոր բանակի մարտական պատրաստվածությունը զգալիորեն բարձրացնելու նպատակով: Այս մասին գրում է Bloomberg-ը:
Պեկինը ծրագրում է վերակազմավորել զորքերի բոլոր տեսակները` միացյալ ռազմական հրամանատարության շրջանակներում: Մասնավորապես, ըստ պարբերականի, 7 ռազմական շրջանները կդառնան 4-ը:
Չինաստանի նախագահը հայտնել է, որ բարեփոխումների նպատակը «էլիտար հարվածային ուժի ստեղծումն է»: Բանակի բարեփոխումները տեղի կունենան Սիի անձնական ղեկավարությամբ:
«Սա ամենախոշոր վերակառուցումն է 1950-ականներից ի վեր»,- ասել է Չինաստանի ազգային-ազատագրական բանակի թոշակի անցած գեներալ Յու Գանգը: Ըստ նրա` բարեփոխումը կցնցի Չինաստանի բանակի հիմքերը, որը հիմնված է կառավարման խորհրդային ոճի վրա: Բարեփոխման նպատակն է բանակի կառույցը վերաձևել ամերիկյան ոճով: