Ներգաղթյալներին ու փախստականներին սահմանին ըստ ազգության «զտելու» բալկանյան մի շարք երկրների պրակտիկան հանգեցնում է նոր մարդասիրական աղետի: RIA Novosti-ի հաղորդմամբ՝ այս մասին հայտարարել է ՄԱԿ-ի Փախստականների հարցերով գերագույն հանձնակատարի վարչության պաշտոնական ներկայացուցիչ Էդրիան Էդվարդսը:
Նա հիշեցրել է, որ անցած շաբաթ ՄԱԿ-ի՝ փախստականների հարցերով զբաղվող գործակալությունները բալկանյան մի շարք երկրների կոչ են արել դադարեցնել իրեց սահմաններով Եվրոպա ներգաղթյալների հասանելիության սահմանափակման պրակտիկան:
«Այդ գործողությունների բացասական հետևանքներն արդեն տեսանելի են դառնում, քանի որ մարդկանց պահում են երկրներում իրենց ճանապարհին առանց նրանց խնդիրների անհրաժեշտ լուծման: Նոր մարդասիրական իրավիճակը, որը զրագանում է Եվրոպայում, անհետաձգելի ուշադրություն է պահանջում»,- հայտարարել է Էդվարդսը:
«Բոլոր մարդիկ ապաստանի իրավունք ունեն՝ անկախ իրենց ազգությունից, իսկ նրանցից յուրաքանյուրի գործերը պետք է քննարկվեն… Անհրաժեշտ է տուժած մարդկանց տեղաբաշխման ուղղությամբ միջոցներ ձեռնարկել»,- նշել է Էդվարդսը:
