Ի տարբերություն այլ նախաձեռնությունների, «Չեք անցկացնի»-ն իր քննադատության թիրախը միանգամից դարձրեց Սերժ Սարգսյանին և նրա վարչախումբը և արձանագրեց, որ սահմանադրական փոփոխությունները Սարգսյանի իշխանության երկարաձգման նպատակն ունի:Այս մասին Ազատության հրապարակում խոսեց խոսեց «Չեք անցկացնի» քաղաքացիական նախաձեռնության անդամ Արշակ Մուսախանյանն՝ անդրադառնալով նախաձեռնության իրականացրած որոշ խնդիրների մասին:
«Մենք ուղղակի ասել ենք իրականությունը, մի բան, որից շատ նախաձեռնություններ ինչ-ինչ պատճառներով խուսափել են: Մի կողմ թողնենք այն գաղափարը, որ այս իշխանությունները իրենց բնույթով որեւէ բարեփոխման ընդունակ չեն, եւ ցանկացած բարեփոխման առաջին պայմանը իշխանափոխությունն է: Սակայն եթե անգամ սոցիալական խնդիր է բարձրանում, ապա իշխանության կողմից զիջում հնարավոր է միայն այն դեպքում, եթե այն վտանգ զգա իր իսկ իշխանության համար: Հակառակ դեպքում ցանկացած խնդիր տանելի է դառնում իշխանության համար», – նշեց Մուսախանյանը:
