ԴԱԻՇ-ը առանձին ճյուղ է ստեղծել, որը ակտիվորեն զբաղվում է քիմիական զենքի մշակմամբ, հետազոտություններ և փորձեր է անցկացնում Իրաքի, Սիրիայի և այլ շրջանների գիտնականների օգնությամբ, հայտնում է RIA Novosti-ն: Այդ մասին հայտնել են ԱՄՆ-ի և Իրաքի հետախուզության աշխատակիցները:
Ինչպես ամերիկյան պաշտոնյաները հայտնել են Associated Press-ին, նրանք չեն կարծում, որ ԴԱԻՇ-ի զինյալները հնարավորություններ ունեն արտադրելու զենքի նորագույն տեսակներ: Նրանք կարծում են, որ այս պահին զինյալները Իրաքի և Սիրիայի մարտերում օգտագործել են մանանեխի գազ:
Ավելի վաղ` հինգշաբթի օրը, Ֆրանսիայի վարչապետ Մանուել Վալսը հայտարարել է, որ նա չի բացառում ահաբեկիչների կողմից քիմիական կամ բակտերիոլոգիական զենքի օգտագործման հնարավորությունը:
