Միայնակ մարդիկ հաճախ կարող են ունենալ սխալ սննդակարգ, ինչը չի պարունակում հիմնական օգտակար նյութեր՝ եզրակացրել են Քվինսլենդի համալսարանի գիտնականները: Միայնակ մարդկանց և սխալ սննդակարգի միջև կապը գտնելու համար նրանք վերլուծել 41 հետազոտություն: Այս մասին գրում է The Guardian-ը:
Թիմի հաշվետվությունը տվյալներ է պարունակում, որոնք վկայում են, որ ինքնուրույն ապրող մարդիկ ուտելիք պատրաստելու բավարար հմտություններ չունեն, կամ չկա մեկը, որ նրանց օգնի գնումներում: Ավելի հաճախ անառողջ սննդակարգ են ունենում միայնակ ապրող տղամարդիկ:
«Օրինակ՝ մոտիվացիայի, ուտելիքի պատրաստումից հաճույք ստանալու բացակայությունը կամ միայնության մեջ սնվելը հաճախ բերում են այն բանին, որ մարդիկ պատրաստում են պարզ ճաշատեսակներ, որոնց մեջ բացակայում են հիմնական սննդարար նյութերը»,- ասել է հետազոտության համահեղինակ Քեթրին Հանը:
Վատ սնվելու գործոններից են սննդամթերքների վրա տնտեսումը, ինչպես նաև մրգերի, բանջարեղենի և ձկնեղենի ավելի քիչ օգտագործումը, որոնք կարող են լինել ավելի թանկ: Պատճառներից է նաև միայնակ մարդկանց հոգեբանական վիճակը:
