Google Chrome բջջային դիտարկիչում հայտնվել է խոցելիություն, որը թույլ է տալիս ջարդել ցանկացած Android սարք, Տոկիոյում PacSec համաժողովի ժամանակ հայտարարել է Quihoo 360 ընկերության հետազոտող Գուան Գունը: Այդ մասին հայտնում է korrespondent.net-ը:
Օգտվողի սմարթֆոնը ջարդելու համար անհրաժեշտ է պարզապես անցնել նշված հղումով: Դրանից հետո սմարթֆոնում տեղադրվում է ծրագիր, որը աշխատում է օգտվողի համար անտեսանելի ֆոնային ռեժիմում: Խոցելիությունը հայտնաբերվել է Google-ի դիտարկիչի վերջին տարբերակում, սակայն այն ազդում է Android-ի բոլոր տարբերակների վրա:
Գունը երեք ամիս ուսումնասիրել է այդ խնդիրը, որից հավաքված տվյալները հետո ներկայացրել է Google-ի լաբորատորիա:
PacSec-ի կազմակերպիչ Դրագոշ Ռույի խոսքով` Գունը մտադիր է կազմակերպությունից ստանալ պարգևատրում, քանի որ նա հանրությանը ոչ մի մանրամասնություն չի բացահայտել:
