Ռուսական TASS լրատվական գործակալության փոխանցմամբ՝ Իրանը գտնվում է նավթաքիմիական արտադրանքի միջազգային շուկայում հաճախորդների փնտրտուքով։ Այդ մասին հայտարարել է իրանական Ազգային նավթաքիմիական ընկերության գլխավոր տնօրեն Մեհսի Շարաֆի Նիկնաֆսը:
«Ներկայումս մենք բանակցում ենք Իսպանիայի և ԱՊՀ երկրների հետ՝ մեր մասնաճյուղերն այնտեղ բացելով։ Մենք նաև ձգտում ենք նավթաքիմիական «հսկաների» հետ համատեղ ձեռնարկություններ ստեղծել այդ երկրներում։ Այդպիսով մենք հուսով ենք վերադառնալ պատժամիջոցների պատճառով մեր կորցրած շուկաները։
Իրանում սկսվել է 67 նավթաքիմիական ձեռնարկության կառուցում, որի ավարտի համար պահանջվում են օտար ներդրումներ։ Շինարարության ավարտից և նախագծերը ողջ հզորության գործարկումից հետո երկրում նավթաքիմիական արտադրանքի արտադրության հզորությունը կկազմի տարեկան 120 միլիոն տոննա»,- ասել է նա։
