Երկու օրվա մեջ երկու ցմահ դատապարտյալի մահվան դեպք արձանագրվեց։ պարզապես նրանցից մեկը՝ Սողոմոն Քոչարյանը հասցրեց 15 օր ապրել ազատ քաղաքացու կարգավիճակով, սակայն հիվանդանոցում՝ չվայելելով ազատությունը։ Երեկ էլ մահացավ ցմահ դատապարտյալ կարեն Բոյաջյանը, ով տառապում էր հոգեկան հիվանդությամբ։ Հիվանդություն, որն ընդգրկված է պատժի կրման հետ անհամատեղելի հիվանդությունների ցանկում հաստատված կառավարության 2006 թ-ի համապատասխան որոշմամբ։ Իրավապաշտպան Ավետիք Իշխանյանի խոսքով այս իրավիճակը ողբերգություն է։
Իշխանյանը փաստում է՝ ցմահների խնդիրների վրա ուշադրություն դարձվում է միայն երբ լրագրողներն են բարձրաձայնում դրանց մասին։
Այն, որ Հայաստանում ցմահ դատապարտյալների մասով օրենքը չի գործում, փաստում են նաև Մարդու իրավունքների պաշտպանի ունեցած տվյալները։
Քրեական գործերով փաստաբան Հայկ Ալումյանն էլ ուշադրություն է հրավիրում ցմահների գործերի վերանայման խնդրի վրա։
Ինչ վերաբերում է ցմահների պայմանական վաղաժամկետ ազատ արձակմանը, ապա Ալումյանի խոսքով՝ այդ ինստիտուտը Հայաստանում առհասարակ չի գործում, ուր մնաց՝ տարածվի ցմահների վրա:
