Ավստրիայի 85-ամյա բնակչուհին ոչնչացրել է մոտ 1միլիոն եվրո, քանի որ չի ցանկացել, որ այդ գումարը հասնի բարեկամներին: Ինչպես գրում է The Sun-ը, այդ մասին հայտնի է դարձել ծերանոցում նրա մահանալուց հետո:
Կինը կտրատել է մոտ 950 հազար եվրոյի թղթադրամներ: Ինչպես հայտնել են բանկիրները, նրանք հարազատներին կարող են տալ այդ գումարը, եթե ստանան թղթադրամների կտորները: Ներկայումս կնոջ բարեկամները հուսահատ ման են գալիս այդ կտորները:
Ավստրիայի Ազգային բանկից Ֆրիդրիխ Համերսշմիդը ճշտել է, որ եթե ժառանգները գտնեն այդ թղթադրամները, և եթե դրանց ծագումն ապացուցվի, ապա «իհարկե, այդ ամենը կփոխարինվի»:
