Արիզոնայում ապաչիների առաջնորդ Թերի Ռամբլերը ներողություն է խնդրել Հելոուինի ժամանակ երգիչ Բոբ Մարլիի կերպարով հագուստն ընտրելու և այն բանի համար, որ իր դեմքը ներկել է մուգ գույնով՝ հայտնում է Associated Press-ը:
Նրա խոսքով՝ ինքը անհաջող հագուստ է ընտրել, սակայն չի ցանկացել դրանով որևէ մեկին վիրավորել: Լուսանկարներից մեկում նա պատկերված է ներկված դեմքով, Բոբ Մարլիի վերնաշապիկով և դրեդ սանրվածքով: «Ես կատարյալ չեմ, բայց հասկանում եմ, որ ներողություն խնդրելը նշանակում է չկրկնել»,- գրել է նա իր Facebook-ում:
Արիզոնայից իրավապաշտպանի կարծիքով՝ Ռամբլերը երեսպաշտ է, քանի որ մարզականն ակումբի լոգոտիպում դեմ լինելով հանդերձ հնդկացիների դեմքն օգտագործելուն՝ ինքը ընտրել է սևամորթի կերպարով այդպիսի հագուստ:
