Ամերիկյան Carnival Conquest և Disney Wonder զբոսանավերի անձնակազմերն ԱՄՆ-ի հրաբխային ափերից ոչ հեռու փրկել են ավելի քան 20 անօրինական էմիգրանտների: Այս մասին հայտնում է ITAR-TASS-ը:
ԱՄՆ Առափնյա պահպանության ծառայության ներկայացուցիչների փոխանցմամբ՝ նավերից մեկի անձնակազմի անդամները նավ են բարձրացրել 13 կուբացիների, իսկ երկրորդ նավի տախտակամած են բարձրացվել ևս 8 անօրինական ներգաղթյալներ, որոնց ազգային պատկանելությունը պարզել դեռևս չի հաջողվել:
Էմիգրանտների երկու խմբերն էլ փորձել են ԱՄՆ-ի ափեր հասնել ռետինե նավակներով: Զբոսանավերի անձնակազմերը կերակրել են նրանց և անհրաժեշտ բուժօգնություն ցուցաբերել: Ներկայում էմիգրանտների հետ աշխատում են Առափնյա պահպանության աշխատակիցները, որից հետո նրանք կարտաքսվեն այն երկրներ, որտեղից դուրս են եկել վտանգավոր ուղևորության:
