«Վերջին տասնամյակում գրեթե այսպիսի իրավիճակ չենք ունեցել, որ բյուջեի եկամտային մասն անկում ապրի: Սա վկայում է այն մասին, որ տնտեսության մեջ առաջին անգամ գործարար հատվածը կամ մասնավոր ոլորտը իր հարկային եկամուտների, տուրքերի և այլնի մասով ունենալու է թերակատարում»,- «Առաջին լրատվական»-ի հետ զրույցում ասաց տնտեսագետ Վիլեն Խաչատրյանը՝ գնահատելով 2016-ի բյուջեն:
Նրա խոսքով՝ այս տնտեսական քաղաքականության պայմաններում առաջանցիկ տեմպերով ավելացվում է դեֆիցիտը:
Դիտարկմանը՝ սակայն այս պայմաններում ծախսերի կրճատում չի նախատեսվում, տնտեսագետը նկատեց. «Պարտքերի հաշվին ունենալով 190 մլրդ դրամի հասնող դեֆիցիտ, որից 120 մլրդ-ը պետք է ֆինանսավորվի արտաքին աղբյուրների հաշվին և մնացած 70 մլրդ-ը՝ ներքին ռեսուրսների, պահել այդքան մեծ ծախսային հատված՝ նպատակահարմար չէ»:
Պարոն Խաչատրյանը նշեց մի շարք ոլորտներ, որոնցում հնարավոր է կրճատել ծախսերը. «Սա շատ նման է այն ընտանիքին, որի ամուսինը գումար չի բերում, բայց կինը որոշել է մեքենա գնել: Իսկ թե ինչ միջոցների հաշվին՝ պարզ է. պարտքով: Այս պայմաններում մեր երկիրը 2016-ը կսկսի 5 մլրդ 122 մլն դոլար պարտքով, որը գրեթե 670-680 մլն դոլարով ավելի է, քան 2015-ի սկզբին: Միայն 2016-ի բյուջեում նախատեսվում է վճարել 99 մլրդ դրամի տոկոսներ: Պարտքն ավելի շատ է ավելացվում, քան տնտեսական աճն է: Այլևս ի՞նչ զարգացման մասին կարող է խոսք գնալ»:
Տնտեսագետի համոզմամբ՝ 2016-ը պարտքերի հաշվին տնտեսական աճ ապահովելու տարի է, իսկ աճի տեմպն էլ աստիճանաբար նվազում է. «Մաշվածքի հաշվին է ապահովված
