Վատիկանն ավարտել է գործընթացը, որը պետք է ավարտին հասցնի Մայր Թերեզայի կաթոլիկ սրբերի դասին դասվելու ընթացակարգը:
Նրա` սրբերի դասին դասվելը, հավանաբար, տեղի կունենա մյուս տարի: Նշվում է, որ համապատասխան փաստաթղթերն արդեն տրվել են Հռոմի պապին: Պապը կկարողանա կոնսիստորիա կամ կարդինալների խորհուրդ գումարել 2016-ին, որպեսզի պաշտոնապես հայտարարի Մայր Թերեզայի սրբադասման օրվա և անցկացման վայրի մասին:
Վատիկանում գտնվող աղբյուրները նշում են, որ Մայր Թերեզայի սրբադասումը կարող է ձոնված լինել Ողորմածության հոբելյանական տարվան, որը կաթոլիկ եկեղեցում սկսվում է դեկտեմբերի 8-ին, և կտևի մինչև 2016-ի նոյեմբերի 20-ը:
