Ռուսական RIA Novosti լրատվական գործակալության փոխանցմամբ՝ Պենտագոնը նոյեմբերին սկսում է ուկրաինացի զինվորականներին աջակցելու ծրագրի նոր փուլ։ Այդ մասին հայտարարել է Եվրոպայում ԱՄՆ ցամաքային զորքերի պաշտոնական ներկայացուցիչ Դոնալդ Ռենը:
«Ծրագրի երկրորդ փուլը՝ Fearless Guardian (Անվախ պահապան) միտված է լինելու Ուկրաինայի պաշտպանության նախարարության մինչև 5 գումարտակի ու հատուկ նշանակության մեկ գումարտակի նախապատրաստությունը։
Բացի այդ, մենք Ուկրաինայի ՊՆ-ի հետ աշխատելու ենք անձնակազմի մարզման (նախապատրաստության) կենտրոնի ուղղությամբ։ Այդ գործընթացի սկիզբը պլանավորված է նոյեմբերի 23-ին»։
Նրա խոսքերով՝ տվյալ ծրագիրը իրենց շարունակական ջանքերի մի մասն է, որն ուղղված է Ուկրաինայում երկարաժամկետ ռազմական բարեփոխում իրականացնելուն։ Դա վերաբերում է նաև Ուկրաինայի պաշտպանական հնարավորությունների բարելավմանը։
Ռենն ընդգծելէ, որ տվյալ համագործակցությունն արվում է Ուկրաինայի կառավարության հրավերով. «Հաշվի առնելով ներկայիս ծրագրի մասշտաբները՝ 2014 թվականից անվտանգության ապահովման ոլորտում Ուկրաինային մեր օգնության ծավալը կկազմի ավելի քան 266 միլիոն դոլար»։
