Եթե նախկինում հեռուստացույցով միայն կարելի էր հաղորդումներ և ֆիլմեր դիտել, ապա այժմ նրանք պատասխանում են ժամանակակից կյանքի բոլոր պահանջներին, հայտնում է style.rbc.ru-ն: Օրինակ X9C սերիայի Sony Bravia հեռուստացույցը ոչ միայն առանձնանում է լակոնիկ դիզայնով և նվազագույն հաստությամբ` 4,9 մմ, այլև նաև ունի Smart TV-ների բոլոր հնարավորությունները՝ որակյալ 4K պատկերով և Android 5.1 օպերացիոն համակարգով:
Google Cast ծրագրի օգնությամբ Bravia հեռուստացույցի էկրանում կարելի է շատ արագ, գործնականորեն մի հպումով ցուցադրել սմարթֆոնի կամ պլանշետի պարունակությունը: Միաժամանակ հնարավոր է զուգահեռ շարունակել օգտվել բջջային սարքից:
Ձայնային փնտրման համակարգի միջոցով կարելի է ոչ միայն համացանցից գտնել պահանջվող տեղեկությունները, այլ նաև պատասխաններ ստանալ Google-ի հատուկ տեղեկատվական քարտերի միջոցով: Հեռակառավարման վահանակում տեղադրված բարձրախոսը հնարավորություն է տալիս փնտրել ցանկացածը և հեռուստացույցը ղեկավարել ձայնային հրամանների միջոցով: Ձայնային փնտրման համար հնարավոր է օգտագործել նաև բջջային սարքը, որի համար հարկավոր է նրանում բեռնել Android-ի կամ iOS-ի անվճար ծրագրերը:
