Գյումրիում ընթացող «Նոր Հայաստան» հանրային փրկության ճակատի հանրահավաքին «Ժողովրդական հայրենիք» կուսակցության նախագահ Պետրոս Մակեյանն իր ելույթում նշեց, որ վարչախումբը նոր սահմանադրության ընդունման գնաց այն պատճառով, որ վախեցած է. «Վախենում է հավաքական ժողովրդից, այդ վախը շատ մեծ է: Նրանք վախենում են, որ իրենց իշխանավարման ընթացքում թույլ տրված ապօրինությունների, հանցագործությունների, թալանի համար պատասխան են տալու: Այս վարչախմբի ամենակարևոր հատկանիշներն են՝ սուտը, կեղծիքը, «զոռբայությունը»: Այս հանրահավաքով նրանք փորձում են ժողովրդին զրկել իշխանությունն իրեն վերադարձնելու հնարավորությունից, նրանք փաստորեն ՀՀ քաղաքացուն զրկում են ընտրելու հնարավորությունից, փորձում են վերադարձնել բոլշևիկյան ընտրական բանդան, երբ դհոլ-զուռնայով ամբողջ երկիրը մեկ ընտրություն էր կատարում»:
Մանրամասները՝ տեսանյութում:
