50-ամյա դերասան Ռոբերտ Դաունի կրտսերը լուսանկարվել է Վինի-Թուխի մասին մուլտֆիլմի Վագրի կոստյումով իր 7-ամյա երկրպագու Դանիելին աջակցելու համար, որը տառապում է մուկովիսցիդոզով (շնչառական խնդիրներով):
Դերասանը նաև երեխային մոր հետ հրավիրել է իր նոր՝ «Կապիտան Ամերիկա. քաղաքացիական պատերազմ» ֆիլմի պրեմիերային, հայտնում է ABC-ն:
Երեխայի մայրը՝ Վիկի Քեյթը, իր ինսթագրամյան էջում հրապարակել է որդու լուսանկարը՝ Դաուինի կրտսերին խնդրելով աջակցել տղային: Դանիելի կրծքավանդակից հատուկ խողովակ է դուրս գալիս, որը նրան օգնում է շնչել: Ամերիկուհին գրել է, որ տղան իրեն երևակայում է «Երկաթե մարդը» ֆիլմի հերոս, որում խաղացել է Դաունի կրտսերը, քանի որ այդ կերպարի կրծքավանդակում էներգառեակտոր է տեղադրված:
Դերասանը կարդացել է այդ հաղորդագրությունը և որոշել է օգնել իր փոքրիկ երկրպագուին: Դաունի կրտսերը Վագրի հագուստով իր լուսանկարը հրապարակել է ինսթագրամյան էջում: Դերասանը գրել է, որ տղային մաղթում է շուտափույթ ապաքինում:
Դանիելի մայրը շնորհակալություն է հայտնել դերասանին և գրել է, որ իր բաժանորդագիրներին տեղյակ կպահի տղայի առողջական վիճակի մասին:
