Իսպանիան և Սլովենիան գլխավորել են ԵՄ ամենասուր մակրոտնտեսական խնդիրներով 13 երկրների ցուցակը:
Ֆինանսական և դրամական միավորի քաղաքական եվրահանձնակատար Օլի Ռենն ընդգծել է, որ այդ պետությունները մինչև ապրիլի վերջը պետք է Եվրահանձնաժողովին ներկայացնեն իրենց մակրոտնտեսական խնդիրները հարթելու նախագծերը: Այս մասին հաղորդում է ITAR-TASS-ը:
Իսպանիայում հիմնական խնդիրը պետական պարտքն է, որը գերազանցում է երկրի ՀՆԱ-ի 90 տոկոսը: Այստեղ գոյություն ունի նաև աշխատաշուկայի խնդիր:
Սլովենիայի գերխնդիրը եվրահանձնաժողովը համարում է անվերադարձ վարկերով ծանրաբեռնված բանկային ոլորտը: Ըստ Արժույթի միջազգային հիմնադրամի՝ Սլովենիայի բանկային համակարգում «վատ» վարկերը հասնում են 7 մլրդ եվրոյի: Իսկ բանկային համակարգի վերականգնման համար պահանջվում է ավելի քան 1 մլրդ եվրո արտաքին միջոցներ: Բացի այդ, 3 մլրդ եվրո է անհրաժեշտ բյուջեի ճեղքվածքները փակելու և պետական պարտքը մարելու համար:
Եվրահանձնաժողովը ցածր մրցունակության և պետական մեծ պարտքի հետ կապված խնդիրներ է հայտնաբերել Ֆրանսիայում և Իտալիայում:
Մալթայում անչափ ընդլայնված է ֆինանսական ծառայությունների ոլորտը: Իսկ Նիդեռլանդների, Հոլանդիայի և Շվեդիայի հիփոթեքային վարկավորման համակարգերը բավականին «թեժ» են:
