Պերմի երկրամասում Հայաստանի Հանրապետության քաղաքացի, 47-ամյա Ռոբերտ Գալստյանը դատապարտվել է 10 տարվա ազատազրկման՝ դեղատանը գողություն կատարելու մեղադրանքով: Բացի այդ, նա մեղավոր է ճանաչվել նաև դեղագործին բռնաբարելու փորձի մեջ՝ հաղորդում է «Կոմսոմոլսկայա Պրավդա»-ն:
Դեպքը տեղի է ունեցել 2012թ. հուլիսին՝ Պերմի երկրամասի Օսինսկի շրջանում. ոչ սթափ վիճակում գտնվող Ռոբերտ Գալստյանը ներխուժել է շուրջօրյա դեղատուն: Նա դանակի սպառնալիքով փորձել է բռնաբարել դեղատան աշխատակցին, որից հետո դրամարկղից հանել է 12 հազար ռուբլի և թաքնվել:
