Երեկ «Նոր Հայաստան» հանրային փրկության ճակատին անդամագրված ուժերը հայտարարեցին, որ սահմանդրական փոփոխությունների տապալման միակ ելքը արտահերթ խորհրդրանական և նախագահական ընտրություններն են, և անհրաժեշտ է հասնել նպատակին՝ քաղաքացիական անհնազանդության միջոցով:
Այս հայտարարությունները ակտիվորեն քննարկվում են հասարակական և քաղաքական շրջանակներում: Տեսակետները բազմազան են, դրանցից մեկն է այն, որ այսպիսով՝ ընդդիմությունը շեղվում է սահմանադրական փոփոխությունների դեմ պայքարից: Քաղաքացիական գիտակցություն» հասարակական կազմակերպության նախագահ Նարեկ Սամսոնյանը կարծում է, որ ըննդիմությունը դատպարտված է պարտվելուն: Ընդ որում՝ ըստ նրա՝ պարտվելու են ոչ միայն «Նոր Հայաստանը», այլ նաև «Ոչ»-ի մյուս ճակատները:
Այս տեսակետին հմամիտ չէ «Ազատ դեմոկրատներ» կուսակցության վարչության անդամ Նարեկ Այվազյանը: Ըստ նրա՝ թե ովքեր են պարտվելու և ովքեր են հաղթելու, որոշելու է հանրությունը՝ քվեի միջոցով, որին պետք է տեր կանգնել:
Նարեկ Սամսոնյանը պնդում է, որ քաղաքական ուժերը դեկտեմբերի 6-ից հետո կհայտնվեն վաակումում: Ըստ էության՝ ո՛չ իշխանությունը, ո՛չ ընդդիմությունը միմյանցից շատ չեն տարբերվում, սահմանդրական փոփոխությունները դաձրել են երկրի թիվ մեկ օրակարգ, փորձում են դիվիդենտներ շահել: Ըստ նրա՝ քաղաքական ճգնաժամից դուրս գալու համար անհրաժեշտ են նոր ուժեր, նոր դեմքեր: Նարեկ Այվազյանն էլ կարծում է, որ քաղաքական ճգնաժամից նոր դեմքերն էլ չեն փրկի, գործնականում ապացուցվել է:
Մեր զրուցակիցները համամիտ են այն հարցում, որ սահմանադրական փոփոխություններում իշխանությունների վերարտադրությունից բացի՝ այլ վտանգներ կան, որոնք պետք է հանրությանը ճիշտ մատուցել:
