Իտալացի բժիշկ-գերոնտոլոգ Ումբերտո Սկապանինին հայրենքիում ոչ պաշտոնապես անվանում են բժիշկ Լիբիդո: Հենց նա է Սիլվիո Բեռլուսկոնիի համար պատրաստել այն երիտասարդացնող նյութը, որը օգնում է 76-ամյա քաղաքական գործչին և գործարարին պահպանել իր տղամարդկային ուժը:
Այս դեղորայքը այնքան է օգնում Իտալիայի նախկին վարչապետին, որ չնայած տարիքին՝ նրա սիրուհիները իրենից մի քանի անգամ երիտասարդ են: Այժմ էլ Միլանի դատարանը քննում է սեռական ոտնձգության համար Բեռլուսկոնիի դեմ հարուցված գործը: Տղամարդկանցից շատերը, քննադատելով Բեռլուսկոնիի արարքները, հետաքրքրվում են, թե ինչպես է նրան հաջողվում այդ տարիքում այդպիսի «արդյունքներ» ունենալ:
Հարցին կարող է պատասխանել միայն բժիշկ Սկապանինին, ով արդեն երկար տարիներ Բեռլուսկոնիի անձնական բժիշկն է և սիրով նրան սուպերմեն է անվանում: Բեռլուսկոնին հաղթահարել է շագանակագեղձի քաղցկեղը՝ պահպանելով սեքս-հսկայի տիտղոսը:
Բժիշկը դա պայմանավորում է հիանալի գեներով, ամենօրյա ցերեկային 45-րոպեանոց քնով, ինչպես նաև Բեռլուսկոնիի աճուկային հատվածում կատարվող «էլեքսիրի» ներարկումներով: Դեղորայքի բաղադրության մեջ մտնում են ամինաթթուներ, վիտամիններ և հակաօքսիդանտներ:
