Թուրքական Dünya Bülteni լրատվական կենտրոնի փոխանցմամբ՝ ԱՄՆ պետդեպարտամենտի խոսնակ Ջոն Կիրբին, խոսելով նոյեմբերի 1-ին Թուրքիայում կայանալիք արտահերթ խորհրդարանական ընտրությունների մասին, հայտարարել է, որ ԱՄՆ-ը ակնկալում է ազատ, արդար ու անվտանգ ընտրությունների անցկացում։
Կիրբին հայտարարել է, որ իրենք մտահոգված են այն հաղորդումներից, որոնք առնչվում են մամուլի վրա ճնշումներ բանեցնելուն, նրանց նկատմամբ հետաքննություն սկսելուն և նրանց ահաբեկիչների օգտին քարոզչություն իրականացնելում մեղադրելուն։ Կիրբին դատապարտել է խոսքի ազատության սահմանափակման համար դատական հարձակումները և ընդգծել, որ Թուրքիան պետք է հարգանք ցուցաբերի մամուլի ազատության հանդեպ։
