Լուիզիանա նահանգը մեղադրվել է «Կատրին» փոթորկի (2005 թ.) հետևանքների վերացման համար տրամադրված միջոցների ոչ նպատակային ծախսման մեջ:
Բնակիչները փոթորկից հետո երկրի կառավարությունից ստացել էին խոշոր գումարների կտրոններ: Ենթադրվում էր, որ նրանք դրանք կծախսեին իրենց տների վերակառուցման համար՝ ապագայում նման լուրջ ավերածություններից խուսափելու համար: Ներկայում պարզվել է, որ գումարները չեն ուղղվել շինարարությանը։ Այս մասին նշում է «Գոլոս Ռոսիին»:
Լուիզիանայի շուրջ ֆինանսական սկանդալը, որը ներկայում հասունանում է ԱՄՆ-ում, արտահայտվում է երեք բառով. «Ո՞ւր են փողերը»: Ամենաավերիչ փոթորիկներից գրեթե 8 տարի անց պարզվել է, որ միջոցների մեծ մասը, որոնք հատկացվել էին ապագայում նման ողբերգությունների նախազգուշացման համար. պարզապես քամուն են տրվել:
Այն ժամանակ բյուջեից հատկացվել էր 29 մլրդ դոլար: Դրանից 1 մլրդ դոլարը դաշնային կառավարությունը հատկացրել էր Լուիզիանայի տների վերակառուցման կոնկրետ ծրագրի իրականացմանը։
24 հազար ընտանիքներ ստացել էին 30 հազարական դոլար՝ տների վերակառուցման համար: Անցած տարի Վաշինգտոնը որոշեց ստուգել՝ արդյո՞ք դա արվել է: Արդյունքը սկանդալի հանգեցրեց:
Մխսված գումարները, ըստ դաշնային կառավարության, պետք է փոխհատուցի Լուիզիանա նահանգը:
24 հազար ընտանիքներից 19 հազարը գումարը ոչ նպատակային են ծախսել ու չեն ցանկանում դրանք վերադարձնել պետությանը՝ ասելով, թե փող չկա:
