Չորեքշաբթի Բրյուսելում Բելգիայի կառավարության կողմից անցկացվող կոշտ տնտեսական քաղաքականության դեմ զանգվածային ցույցի դուրս եկածների և ոստիկանների միջև տեղի են ունեցել բախումներ։ Այս մասին հայտնում է Belga գործակալությունը։ Իրավապահներն իրենց ուղղությամբ քարեր նետող երիտասարդ անարխիստների խմբի դեմ գործի են դրել արցունքաբեր գազ և ջրցան մեքենաներ։ Մի ոստիկան վնասվածքներ է ստացել, ձերբակալվել է անկարգությունների երեք մասնակից։
Արհմիություննեի տվյալներով՝ ցույցին մասնակցել է մոտ 100 հազար մարդ։
Աշխատողները դժգոհ են այն բանից, որ իշխանությունների կողմից բյուջետային ծախսերի կրճատման և հարկային քաղաքականության շտկման արդյունքում գնողունակությունը կրճատվել է տնտեսապես ակտիվ բնակչության 2/3-ի մոտ։ Բացի այդ, վրդովմունք է առաջացրել թոշակի անցման տարիքը 75 տարեկանի հասցնելը։
