Google ընկերությունը զարգանում է և շուտով կներկայացնի նոր արտադրանքներ, հայտնում է telegraf.com.ua-ը:
Loon նախագիծ: Google-ը հույս ունի համացանցը հասանելի դարձնել այն տարածաշրջաններում, որտեղ ներկայումս այն անհասանելի է: Այդ նպատակով պլանավորվում է օդային գնդերի բաց թողում, որոնք կախված մնալով ստրատոսֆերայում, ազդանշաններ կուղարկեր Երկրի սարքավորումներին:
Ռոբոտների բանակ: Վերջերս Google ընկերությունը ձեռք է բերել մի շարք ռոբոտատեխնիկական ընկերություններ, որոնք կարող են ստեղծել մարտի պատրաստ ռոբոտների բանակ:
Calico: Ընկերությունն աշխատում է այն նախագծի վրա, որով կարելի է գտնել անմահության բանալին: Դոկտոր Արթուր Լևինսկու հետ համագործակցությամբ, Google-ը ծերացման պրոցեսը դանդաղեցնելու միջոցներ է փնտրում:
Google-ի կոնտակտային լինզաներ: Այս հայտնագործությունը կարող է օգտագործվել արյան մեջ շաքարի մակարդակը չափելու համար:
Liftware «խելացի» գդալ: Ինքնաուղղվող գդալ, որն անփոխարինելի է Պարկինսոնի հիվանդությամբ տառապողների համար:
Lunar XPRIZE: Google ընկերությունը զբաղվում է նաև տիեզերքի հետազոտությամբ:
Makani: Այս նախագծի էությունն է երկնքում քամու տուրբին տեղադրելը, որը կարող է արտադրել հոսանք:
Ara. Google նախագիծը մոդուլային սմարթֆոնի ստեղծման ճանապարհին է:
Tango նախագիծ: Այս ծրագրի միջոցով օգտատիրոջ գտնվելու վայրը կորոշվի ամենաճշգրիտ ձևով:
Ինքնաղեկավարվող ավտոմեքենաներ: Google-ն արդեն աշխարհին ներկայացրել է այդ մեքենաները: Շուտով ինքնաղեկավարվող մեքենաները դուրս կմղեն շատ տրանսպորտային միջոցների:
